ایمازون کے 19 ہزار سے زائد ملازمین اب تک کورونا وائرس میں مبتلا ہوچکے

نومبر تک اپنے ملازمین میں کورونا وائرس ٹیسٹنگ کی تعداد کو بڑھا کر یومیہ 50 ہزار کررہی ہے،کمپنی

0 10

عالمی شہرت یافتہ امریکی کمپنی ایمازون نے کہاہے کہ ان کے اب تک 19 ہزار سے زائد ملازمین عالمی وبا کورونا وائرس کا شکار ہوچکے ہیں۔

 

غیرملکی خبررساں ادارے کے مطابق گزشتہ مہینوں میں متعدد ملازمین اور عہدیداران نے ایمازون پر تنقید کی تھی کہ انہوں نے عالمی وبا کے دوران اپنے وئیر ہاوسز(گوداموں)کو کھلا رکھ کر ملازمین کی صحت کو خطرے میں ڈال دیا ہے۔

 

اب ایمازون کی جانب سے جاری بیان میں کہا گیا کہ ان کے ملازمین میں عالمی وبا کورونا وائرس کا تناسب ان کی توقعات سے 42 فیصد کم ہے۔

 

 

ایمازون کے مطابق ان کے 13 لاکھ 72 ہزار فرنٹ لائن ملازمین میں سے 19 ہزار 816 ملازمین کے کورونا وائرس ٹیسٹ مثبت آئے ہیں۔کمپنی کا کہنا تھا کہ وہ نومبر تک اپنے ملازمین میں کورونا وائرس ٹیسٹنگ کی تعداد کو بڑھا کر یومیہ 50 ہزار کررہی ہے۔

 

خیال رہے کہ عالمی وبا کے پیشِ نظر تمام تر شاپنگ مالز اور مارکیٹیں بند ہیں جس کی وجہ سے آن لائن شاپنگ کے رجحان میں تیزی سے اضافہ ہوا اور اس ضمن میں آن لائن تجارتی کمپنی ایمازون کافی اچھا کام کر رہی ہے

جواب چھوڑیں

آپ کا ای میل ایڈریس شائع نہیں کیا جائے گا.